Día das Letras Galegas 2011 para Lois Pereiro

(...and after the last love song, I wrote
all this for them, for her, for you...)

I

A INMERSIÓN no silencio é o que distingue
ós que aman con espírito suicida
dos que somentes son
un soño breve.

Na viaxe nocturna que emprendemos
polo interior dun corpo diferente
un acto de amor é un fluído urxente
de suor bágoas e esperma
contra o medo

palabras desarmadas
desexos que se perden
na néboa de mil noites
entre as sabas revoltas
polo feroz presente
de dous corpos que esquecen.




xuño, 95

"Poesía última de amor e enfermidade". Lois Pereiro. Edicións Positivas.